Mihring te hi kan lo pian chhuah atangin zir tur nei nghal leh zirlai hma chhawp kan ngah nghal hle a, kan thih ni thleng hian zirlai kan nei a ni. Chu kan zirlai kan zir mek chuan zirtirtu tha a mahmawh em em a, mahni hriatna leh mahni tawn, kan hmuh leh boruak min nek hnai ber tu ang ang in mihring te hi kan nung in kan khawsa thin a ni.
Chuvangin mi tin ten kan tu leh fa te nunphung dik leh tha nei tur in kan duh vek a, chumi piah lamah chuan midang te aia tha leh mawi a a nun an hman hi kan duhthusam a la ni fo bawk thin. Kan tu leh fa te tan zirna in tha leh nung chang mawi an zir na tur atan kan sawrkar pawh in hma la in thiamna leh finna kawng ah hma kansawn theih nan theih tawp an chhuah a, chumai piah lam ah sakhua na lam thlengin naupang kaihruaitu bik zirtir tu kan in dah vek thin a ni.
Hetiang anih a vang hian kan ram leh khawtlang hmasawna a tana, mi pawimawh ber chu zirtirtu te hi an ni. Zirtirtu te hian chhungkua enkawlna hrang hrang atanga naupang lo kal an enkawl thin a, ngaihtuahna zau tak leh rilru tha pu mi an nih a ngai, naupang hmuhsit bik leh lawm bik an nei thiang lova chutiang ti an awm chuan an dinhmun an luah zolo a ni. Hetih lai hian nu leh pa te pawh in kan fate zirna in ah lungmuang taka kan dah ngam na tur kawng ah pawh zirtirtu an pawimawh hle bawk a ni. Hei vang hian hmangaih tak mi thalo te pawh an enkawl thiam a tul hle awm e.