By Hruaitea Pa
Ka ṭhian pakhat Joel Saiawia chuan ka pa chuan Kolasib hi London kal kawng a tideuh ngat zel a ti. Ni e, tun hma deuh Lengpui Airport awm hma kha chuan London kal tur a ni emaw phai lam thleng thla tur hrim hrim te chuan Kolasib hi an paltlang vek ṭhin. Khang hunlai atang daih tawha mikhual thleng ṭhang leh mikhual dawl zo em em khua kan lo ni tawh a.
Tun ka tawng an huat thu suhah eng khua in emaw Road Block nei a an au pui dum dum ang hi Kolasib hi chuan kan nuih liam thei fo mai.
A fan lah kan fan thei nangiang mai. Kan ze ṭha zawk kan chhuah hram hram avang hian hian a khua anga zuam hi kan tawk fo a, amaherawh chu Kolasib kan han che ve hrut anih hi chuan min zuam sual fo ṭhin.
Mizoram mamawh zawng zawng lakluhna kawngpui kan nih avang hian eng emaw a nazawngah Road Block te hi kan han hreh khawp a, hemi avang ringawt hian kan ngam lo tihna a ni lo.
Republic of Kolasib tih ṭawngkam te pawh hman deuhah khan a pian phah nawk kha, kan seh tawh anih chuan kan thlah mai mai lo a, kan pal tawh anih chuan kan pal nge tliak ka ngal tingam ṭhiau Ṭhalai huaisen em em te hi kan ngawi ṭhuap tih te pawh hi sawi tel ang.
NHIDCL te pawh hian tute emaw theihna hmachhuanin Kolasib hi min dah hniam an tum viau a ni mahna kan ze ṭha zawk kan la chhuah hram hram avang hian min zuam sual palh ang tih hi ka hlau ngawt mai.
Ṭhalai rual te hi an thin a rim ve deuh anih chuan NHIDCL te hi tuin nge hum ang.? DC office tukverh keh richhawk ri te kha ka bengah hian la chamin Office kang alh hluah hluah mai te kha mithla hian a hmu fo a, mei rimte nen lam hnar hian a la hre thei maw le...
NHIDCL te pawh hian kawng hi siam thuai thuai se boruak tha lo her chhuak lo in siam zo vat se, Khulasib ni lo a, Hmangaih berte lenna Kolasib nih leh a chakawm tawh mang e.