Kolasib Excise & Narcotics Department chuan Nilaini chawhnu dar 2 khan Heroin hawng 100 leh a neitu a kengtu mi pahnih an man.
Kolasib END hotute hnen atanga thudawn danin information an dawn angin Kolasib leh Thingdawl inkaer Hmawngkhawthlir-ah an lo chang a, Scorpio dum (MZ02/6979) lo kal chu tidingin an enfiah hnuah heroin 1.252 kgs chu an man a ni. A kengtu hi Manipur mi ve ve an ni a, Patrick Ramhmingthang (44) s/o Lalmawizual, Mualvaphei, Manipur chu Manipur police constable niin a rual hian driver Samson Lalremruat (24) s/o Dohmingthang, Farbung, Manipur pawh man nghal a ni. Motor hma, windshield ah hian Police tih a inziak bawk.
An sawi danin ruihhlo hi Silchar lama zuk hralh tum an ni a, recover belh tur awm tawh lo nia hria in judicial custody in thawn phei nghal a, vawiin Ningani khan Kolasib Court-ah hruai an ni.