Report : Biaka Fanai
TURNIPUI Dt. 04.02.2026 : Kolasib khawchhung kawng siam mektu JANDU Infratech Company chuan Diesel Generator khawl chu Phaiphengah an bun fel a, Mizoram Polution Control Board Aizawla phalna an dilna bawhzuiin nimin khan Dr. Lalramnghaki Pachuau, Scientist, Pollution Control Board chuan a hmunah a endik a, hna thawk tan thei turin phalna a pe a ni.
JANDU Company Project Coordinator Paramartha Das hnen atanga thu dawn danin, khawl hi enchhin nghal a ni a; khawlin a siam chhuah hi a that leh that loh test leh a ni ang a, he test hi a that chuan Kolasib Khawchhung kawngpui chu ni 20 chhungin blacktopping an tih zawh hman an in beisei a ni.
JANDU Company Pollution endikna hun hi Dr Lalramnghaki leh a hoten an nei a, Kolasib Joint VC te leh MJA member thenkhatte pawh an tel. Hetih lai hian Hot Mix Plant a chhiat avangin kawngpui black topping hna thawh mek chu nimin khan an chawl a ni.
