Tukin (2.7.2026) zing lam dar 2:30 bawr vel khan Venglai East Kolasib Silchar road Zawlbuk chhakah Truck MZ 01T 8293 kawngpui sira ding chu phai lam atanga lo tlan Wagon R Car AS 0G 1931 chuan na takin a su a, Truck chu hnung zawnga lir thlain thui tak Car a hnawl hnuah a delh zui a, Car a chuang hnamdang vai 5 te zinga 2 chu him dama lak chhuah niin mi 3 te chu an thi.
Chhiatna thlen na hmunah hian rang takin Police leh SHYMA hruaitute an thleng nghal a, theihtawp chhuahin a tul ang te an buaipui hnuah Car-a chhunga ruang 3 te chu lak chhuah an ni a. Mita hmutute sawi danin, Truck dinglai sutu Car hi a tlan chak hle a ni.
