Vawii chawhma dar 11 khan NABARD Kolasib District bultumin PMKSY Hall Thingdawl-ah United Nation (UN) in international Women's Day 2026 atan a thupui a puan "Give to Gain" (Hlawkna tur pe rawh) tih thupui hmangin International Women’s Day an hmang a, Dr. Doris Lalrinawmi BDO Thingdawl RD Block chu Khuallian a ni. He hun kaihruaitu Pu J.D Traite, DDM NABARD Kolasib chuan hmeichhiate tana NABARD hmalakna te leh sawrkar laipuiin hmeichhiate tana hamthatna a duan scheme hrang hrang Lakhpati Didis leh Namo Drone Didi Scheme bakah hamthatna awm thei hrang hrang sawifiahna a nei.
He hunah hian khuallian Dr. Doris Lalrinawmi BDO Thingdawl chuan thusawiin khawvel pum a hmeichhia te Ni bik kan nei hran hi hmeichhia te kan pawimawhna lantirtu a ni a, sawrkar lam pawh hi hmeichhia te hamthat na tur hrang hrang a siam a, a bik takin Mizo hmeichhia te hi thenawm ram thlir in kan dingmun a tha hle a, kan dinhmun that na te hi a tha zawng a hmang thiam turin kalkhawm te a fuih a ni. Khuallian chuan hmeichhia te hi chhungkua ah fate enkawltu leh thu chhia tha hrilh thei ber tu kan ni a, kan thawhthat chuan chhungkua mai bak ah khawtlang leh ram thleng in a nghawng thei a ni ati a, Hmeichhia te hi kan tawng kan fimkhur a ngai a, chapo nih te kan hlawh hma a, hei vang hian kan pawimawh zia hria a mahni nun theuh fimkhur turin a chah bawk a ni.
He hun ah hian pi ZD Lalramdintluangi Block Mission Manager (BMM) pawh in thusawiin sawrkar atanga MzSRLM, RSETI, DDU-GKY leh NABARD hnuai a training awm thei a piang chhawr tangkai a hmang thiam turin kalkhawm te a fuih a ni.
Vawiin hun hman na ah hian Thuamzamung Tunglut Lead District Manager (LDM) Kolasib leh Pu Lalnunpuia Branch Manager MRB Thingdawl Branch, ten thu an sawi a, SHGs members te leh Women's Farmer thahnem tak telin members thenkhat ten SHGs a tanga an hlawhtlinna te lawmawm an tih thu an sawi ve bawk a ni.
