Kuki-Zo Council hnuaia Indigenous Tribal Leaders’ Forum (ITLF) chuan January 14, 2026, chawhma dar 11:00 AM hian Lamka, Outer Manipur-ah mipui kawngzawh muanawm leh puitham taka neih an tum thu an puang.
Mirror Lilong chanchinthar-in a tarlan danin, he kawngzawhpui hi February 2026-a Manipur-a President’s Rule tawp tura beiseina leh Kuki-Zo community-te’n an ngaihdan an sawi chhunzawm zelna atana buatsaih a ni a. Hriattirnaa an tarlan danin, Kuki-Zo mipuite’n rorelna hran Union Territory siam tura sawrkar an ngenna chu rang taka chinfel an phutna a ni a. Manipur Sawrkar siamnaah tel lo tura an thutlukna chu kawngzawh hmang hian an nemnghet nawn leh dawn a ni.
ITLF chuan mi tam takin nunna an lo chan tawh thu sawiin, in leh biak In te tihchhiat a ni a; mi 40,000 chuang hmun dangah an insawnchhuak tih an tarlang nawn leh a ni.
Kawngzawhpui hi Sielmat Ground leh Koite Ground aṭangin ṭan a ni ang a, Peace Ground-ah intawkkhawmin; khawtlang hruaitute'n thu an sawi ang a. Kawngzawh tur hian mipuite, a pui a nawiin an sawm a. Kawngpui dunga sikul, In leh dawr hrang hrangte chu hemi hun chhung hian khar vek turin an ngen bawk a ni.
