TURNIPUI Dt. 22.01.2026 : Zo Reunification Organisation (ZoRO) General Headquarters Aizawl Genereal Secretary Chinkhanmanga Thomte chuan, "Zofate hi ram hrang hrangah thendarhin kan awm a, kan awmna theuhah kan insuihkhawma kan tan ho loh chuan nek chep kan ni dawn a. Chu chu Tripura Zofaten a takin in tawng mek a. Chimral kan nih loh nan te, hnam anga khawvel hriat kan nih theih nan leh kan dinchhuah nan Insuihkhawm kan mamawh a. Chu chu kan damdawi leh ralthuam neih that ber leh awmchhun a ni,” a ti.
ZORO Gen. Secy chuan he thu nizan khan North Tripura Panisagar khuaa Ranglong Kut - Khohui festival a hmanpuinaah a sawi a, mahni hnam bil tih lar leh chawisan kan duh luatah hnam anga thawhhona a dal thei a. Mahni hnam humhalh chungin i tang ho ang u. Tripura Zofate’n ‘UNAU’ tunhnaia in din pawh hi ZORO chuan kan thlawp takzet che u a ni, a ti bawk.
