TURNIPUI Dt.28.01.2026 : Kolasib leh a chheh vel National Highway kawngpui siam meka hman tur Diesel Generator chuan vawiin chawhma khan Kolasib a lo thleng a, thil tulte tihfel hunah fit nghal an tum.
Diesel Generator hmang tur hian Mizoram Pollution Control Board atangin hman phalna certificate neih phawt a ngaih thu Contractor te chuan an sawi a, chumi an neih veleh Diesel Generator hmang hian Hot Mix Plant chu an tinung thei tawh dawn a. Tun atanga hun rei vak lovah kawngpui black topping hna an thawk tan thei tawh dawn niin thu dawn a ni.
Diesel Generator lian an neih loh avangin hun rei tak chhung Contractor te hian black topping an hna thawk thei lova. Hemi avang hian Kolasib khawpui chhung leh a chhehvel chu vaivut khuin a bawh nasa hle a, mi thahnem takin tlang hrileng an kai phah a; nunphung a khaihlakin lirthei leh ke-a veivak mipuiten harsatna an tawk nasa tawh hle a ni.
