TURNIPUI Dt. 05.02.2026 : Vawiin khan Kolasib DC Conference Hall-ah kumin January ni 26-a India Republic Day vawi 77-na hman zawh tak thlirlet a ni a, Kolasib DC Pu Robert C. Lalhmangaiha chuan hovin, sawrkar department hrang hrang hotute, NGO, MJA, khawtlang hruaitute leh pawl hrang hrang aiawhte an kalkhawm.
Kolasib DC chuan Republic Day hlawhtling taka hman a ni thei chu lawmawm a tih thu a sawi a. Department, pawl leh mimal hrang hrangte'n an chanvo tha taka an hlenchhuak thei chu fakawm a tih thu sawiin, hmabak awm zel turah pawh tan la chhunzawm zel turin leh India sawrkar ni pawimawhte chu urhsun taka hmang thin turin kalkhawmte chu a chah a. Thil tihkhawmna-ah famkim lohna leh duhkhawp lohna lai a awm thin chu pawi a tih thu sawiin, inhriatthiam tawnna nena kal a tul thu leh, nakin zela hmasawnna turin ngaihdan thawhkhawm turin a sawm bawk.
Thlirletna hunah hian Republic Day lawmna atana sum senso leh hun hman dan hrang hrangte sawiho a ni a. Kalkhawmte chuan kumin R-Day lawmna chu tha thawkhat viau ah ngai mahse, hun lo kal zel turah erawh ruahmanna felfai zawk nena kalpui nise an ti.
