TURNIPUI Dt. 10.02.2026 : Vawiin chawhma khan Kolasib-a Senior Chief Medical Officer (CMO) Office bultumin Anganwadi Centre-V, Project Veng, Kolasib-ah 'National Deworming Day (NDD) February Round' hawnna hun hman a ni a. Dr. RK.Lalthlamuana, Sr. CMO, Kolasib chuan khuallian niin he hun hi a hawng.
Khuallian Dr. RK Lalthlamuana chuan National Deworming Day chu kumtin February thla leh August thlaah te neih thin a nih thu sawiin, naupangte hriselna atana a pawimawhzia a tarlang a. Rulhutin taksa mamawh vitamins leh chaw tha te a lo ei then ve thin avangin mihringah harsatna leh hrisel lohna tam tak a thlen thin a, chuvangin rulhut laka kan fihlim theihna turin faina leh thianghlimna kawngah tan lak a tul a ni, a ti.
Sr. CMO chuan rulhut damdawi (Albendazole) chu damdawi ei him tak, mihringah harsatna thlen hriat ala awm loh thu leh a eitur te chuan thialsawm vek tura tih an nih thu a sawi bawk a ni.
He hun hi Dr. Ramdinthari, Deputy Chief Medical Officer, Kolasib chuan a kaihruai a. National Deworming Day February Round-ah hian Kolasib District huamchhunga naupang kum 1 atanga kum 19 inkar mi 32,730 te hnenah rulhut damdawi hi pek tura target niin, vawiina la ei hman lo te tan February ni 17, 2026 (Mop-up Day) khian pek zawh vek tura ruahman a ni.
Hawnna inkhawm neih zawh hian Anganwadi naupang te hnenah rulhut damdawi eitir nghal an ni.
