Dt. 16th January, 2026 : Kolasib khawpui chhungah rualkhai taka tui sem a nih theih nan PHED chuan ruahmanna thar a siam a, mipuiten tui an dawn ni leh veng hmingte chhinchhiah zel a ni tawh ang a. Tuisem dan hi tui sem tuten lehkhaah an ziah tir vek zel tawh dawn a, tui hmu tha leh hmu thalote awlsam takin a hriat vek tawh ang.
Tunlaia Kolasib khawpui chhunga tuisem indaihlohna chungchang Turnipui palai zawhna chhangin Er. Cindy Vanlalnghaki, SDO PHED Kolasib chuan thla kalta December 2025 khan khawl chhiat avang leh Kohhran hrang hrangah tui pek a nih avangin tuisem lamah harsatna an tawh thu a sawi a. Tunah ziaawm deuh tawh mahse mipuiten tui renchem an zir a ngaihthu sawiin, ''Tui sem dan chhinchhiah zel chu a tangkai dawn nge dawn lo tih hun engemaw chhung chu a enchhin nan kalpui kan tum,'' a ti.
