Cenre for Environment & Social Justice (CESJ) chuan vawiin khan Kolasib District Magistrate hnenah kawngpui laituten leivung an paih tawh hai fai tir tur leh leivung dawlna siam tir tura ngenna thu an thlen.

--------------


PRESS RELEASE

Email: cesjmizoram@gmail.com Website: cesjmizoram.org Ph.No.:7005945474

Regd. No.: MSR 1578 of 15.02.2023

PR No. CESJ-MZ/A1/2026/01 (PR). Dated: 19. January 2026


KOLASIB DISTRICT CHHUNG HMUN HNIHA KAWNG LAIHIN TUIKHUR A CHHILH HAI FAI TIR TUR LEH MIMAL RAMA LEIVUNG PAIH TLAWNG LUIA A LUH HMAIN LEIVUNG DAWLNA LUNG FUN  (GABIAON WALL) SIAM TIR TURA NGENNA KOLASIB DISTRICT MAGISTRATE HNENAH KAN THEH LUT


Tahrikni 11 January 2026 (Pathianni) khan Kolasib district chhunga kawng laih vungin, lui leh a hnar, tukhur leh tui tawmbuk a chhilh chungchang report kan dawn en fiahin CESJ member 7 kan kal a. Report kan dawi aia nasa daihin Kolasib district chunga kawng laih vungin kan lui leh tuihna a tihchhiat hi a nasa a. Ram neitu ten leivung dawlna lungrem/lungfun siam si loa an rama leivung an paih tirah; kawng laitute hnen atangin hlawkna an tel a. Mipuiin kan tuar leh si hi a dik lo hulhual a. Fur ruah tui tlak hmaa an leivungte seng hawi tir turin Kolasib Bawrsap, District Magistrate ni bawk hnenah a hnuaia mi ang hian kan ngen a ni. 


1. Bawktlang ngawa tuikhur tangkai leh hlu tak chu NHIDCL 4 lane kawng laiin an chhilh a. Heihi i thuneihna hmanga stay a, tuikhur an chhilh hi haihawn tir leh turin kan ngen che a. Tin, Bawktlang vela kawng laih vung, ton tam tak kawng thlanga hnawl liam chuan, ruah tui a tlak rual rualin Old Builum kawng a chhilh vek dawn a. Leivung dawl nghehna lungbang (retaining wall) an siam hma chuan laih belh tawh loh tur leh kawng chhilh tur leivung thiar sawn tura i thuneihna hmanga kawng laitute thu pe turin kan ngen bawk a che.


2. Mualkhang Nazareth vengah, Pi Lalhlimpui chuan a ram, Tlawng lui kamah nikum, 2025 lam atangin leivung ton chhiar sen loh a paih tir tawh a. Fur ruah surah leivung chu Tlawng luiah tuihawkin a hawrh lut chiam tawh a. Kumin, 2026 ah a paih tir leh a. Heihi titawp (stay) tur leh, leivung a paih tawh pawh Tlawng luia lut lo tura a dawlna nghet tak, ruah sur pawha leivung put lo tura i thuneihna hmanga siam tir turin kan ngen a che.         


Media & Publicity Cell: CESJ