POWER & ELECTRICITY DEPARTMENT chuan vawiin khan hriattirna pawimawh tichhuakin, "Electric Bill chungchangah misual thenkhatin mipui bum tumin SMS an thawndarh tih hriat a ni a, a titute hi Mizoram State pawn lam nia hriat a ni. Power & Electricity Department atanga SMS thawnchhuah chu SMS sender ID ah GOVMIZ' tih a awm vek a. Phone Number satliah atanga SMS chu rin loh tur a ni. Hetianga pawisa lo pe tawh kan awm anih chuan Cyber Crime Police Station, Treasury Square-ah thubuai ziah luh theih a ni. Mipuite fimkhur turin kan in chah a ni," an ti