-Andrew Vanlalauva @ Itanagar, Dt. 18/2/2026.

    Vawiinah MJA, Kolasib District Annual Conference, Itanagar, Arunachal Pradesh ah hmang thei a kan awm hi lawmawm ka ti hle a. Conference hmangtu member te leh kan khuallian Rev. John F. Lalhmingliana,   Field Secretary, Arunachal Mission Field 'West' leh a tul ang anga min buaipuitu Pu VL Chhuanga, IA&AS, Accountant General, Arunachal Pradesh te chungah lawmthu ka sawi hmasa ani.
   Kan hun chhungin Press Tour leh thil dang denchhen in kan zin chhuak  nual a, kan zin chhuahna te tarlang ila : 
     1) Kum 2022 December thla khan Shillong khaw chhunga hmun pawimawh hrang hrangte  leh Dawki te tlawhin hun kan hmang a. 2)  Kum 2023 May thla ah New Delhi, Dehradun, Nainital, Ram Nagar, Mussoorie, Manali, Shimla - New Delhi te tlawhin kan zin.
3)  Kum 2024 January thla khan Gauhati Mizoram House ah Annual Conference hman pahin hmun pawimawh thenkhat kan tlawh bawk.
    Tunah kan tlawh chak tak Itanagar tlawh pahin Annual Conference kan hmang thei hi a lawmawm ka ti hle ani.
    Pawl anga zin chhuah changin thil rel fel loh a awm thei a, tun tumah pawh hian kan in buatsaihna ah fello a awm palh anih chuan member te hriatthiamna kan ngen e.
     MJA member te hi MJA member angin mi in min hmu em, Chanchinthar pek chhuah kawng ah enge kan dinhmun, MJA member nih theihna Firm/Chanchinbu ah kan tel meuh em? tih kan in enfiah fo a tul.
     Vei-awm ka tih deuh, sawi tel hram ka duh chu: Kan ram ah hian sum leh paia hausak thutna a lar ta em em hi ani. Tunah pawh Lengpui Airport bula  Ram lei leh to uchuak taka hralh chhawn chungchang a lar hle anih hi..! Mi in dik taka Ram Compensation an la anih chuan an lawmpuiawm a, chutiang pawh nilo, Diklo taka thil tih avanga Sum thianghlimlo hmu thin an awm hi a pawi hle. Mizote hi fiamthu a 'Compensation Hnam' ti a hriat kan ni ta te, dawrkai leh sumdawng; kalphung pangngai anga zawi muanga hausa ta nilo, thil dang vanga 'Hausa thar Thut' an tam ta lutuk hi a vei-awm in, hetiang mite hausak chhan hi hriat chian a chakawm hle. 
     Kan ram hmun tinah Ruihhlo (Drugs) hluar zia kan hria a, Zu pawh a tam telh telh emaw tih tur ani! Zu leh Ruihhlo do kawngah Sorkar kutke Police leh Excise Force te tha tichak turin theihtawp kan chhuah a hun tawh ani.
    Itanagar kan zin theih nana sul min sut saktu Kolasib District Bawrhsap Pu Robert C. Lalhmangaiha leh a tul apianga min buaipuitu Rev. S. Lalrinzuala, Gauhati Bialtu Pastor (PCI) te chungah lawmthu ka sawi takmeuh ani.
    
    'MJA vul zel rawhse.' Ka lawm e.