Report : Masena Raltek
Dt. 21.01.2026 : Kolasib District Oilpalm Growers
Association hruaitu ten vawiin khan Saibual zau Oilpalm link road PCC Flooring
tih mek a hmunah an enfiah.
Saibual zau hi Kolasib district-a Oilpalm chinna Cluster
pawimawhtak niin, fur laiin kawng a that loh thin avangin an Oilpalm
thiarchhuahnaah harsatna an tawk nasa thei hle a. Chuvangin Agriculture
Department hmalaknain RIDF NABARD loan sum hmangin PCC Flooring 2 km siam
niin, Contract Amount: ₹ 93,12,565 a ni a. Pu TC Lalthangzova'n he hna hi a thawk
a, kumin February ni 20-a zawh tura ruahman a ni.
Vawiina Kolasib district Oilpalm Growers Association hruaitu
ten an tlawh lai hian hna an thawk meka, an hna thawh a tha thawkhat ni a a lan
lain a then laiah an lung hmante chu a tha lo nia hriain, lung tha hmang turin
contractor chu an ngen a. Hetianga Oilpalm zau panna kawng tha tak mai sorkar
hmalaknaa siam a ni hi Kolasib district Oilpalm Growers Association hruaitu te
chu an lawm hle. Oil Palm chingtute hi Kolasib DAO Joseph Lalnuntluanga chuan a tawiawm a ni.
