TURNIPUI 19th February 2026 : Vawiin nileng khan naktuka State
Day lo thleng tur pualin Govt. Kolasib College te chuan "Save
Tuichhuahen Project" hnatlang an nei leh a. Bawlhlawh- Single use
plastics bakah bawlhlawh chi hrang hrang diaper, sarang, polythene, pawn
chhia, satha ip, bawng vun uih leh hnawm hnawk chi hrang hrang te chhar
khawmin Dumping ground lamah paih vek a ni.
Govt. Kolasib
College Principal Pu Laltanpuia Rengsi chuan College te'n Kolasib
mipuite tui tlan Tuichhuahen a lo thianghlim zel theihna tura hma an lak
hi mipui thlawp turin a sawm a. Tuichhuahen-in a fin luikawrah
bawlhlawh paih tawh lo tur leh luikawr hnaih lama chengte pawh bawlhlawh
paihna hmunah chauh paih a, ek in thli te pawh luikawra tichhuak tawh
lo turin a ngen bawk.
GKC Save Tuichhuahen Project hi June 5,
2024 khan Kolasib DC Pu John LT Sanga hova bul tan niin hnatlang tum 10
zet neih tawh a ni a. Neih zel tura hmalak zel a ni.
Vawiin hnatlangah hian College zirlai leh zirtirtu 400 chuang zet an hnatlang a ni.
