Dr. A. Chella Kumar Ex MP, Gen Secy All India Congress Committee, incharge Mizoram chuan Democracy tungding leh tura Congress hmalakna hi thlawp zel turin Mizoram mipuite ka sawm che u a ni, a ti.
He thu hi vawiin chhun khan MPCC Rally programme Serchhip Bazar-a neihah Dr. Kumar chuan a sawi a. Pu Gandhi te, Pu Nehru te zarah India hi independence a nih rualin eng sakhua pawh, eng hnam pawh kum 21 tling chin chuan vote kan nei nghal a. BJP in thuneihna an chan hnu lawk atangin PM Modi leh Amit Shah te chuan CEC Gayanesh Kumar hmanruaa hmangin electoral roll an pawng sual a. India state assembly election engemaw zatah hnehna an chan phah a. Diklo taka CEC hmanga an hmalakna titawp tur hian Congress chuan bang turin kan nawr zel dawn a ni. BJP hian vote vbch 13 zet an thaibo theih chuan, neng leh kei dikna chanvo pawh an thaibo duh ngei ang, a ti bawk.
