RAM LEH HNAM, EIZAWNNA HUMHALH TUR A ,MIPUI LEH THUNEITUTE HNENA NGENNA LEH SAWMNA.

MIMA ACTION COMMITTEE

Aizawl , Mizoram

PRESS RELEASE 

RAM LEH HNAM, EIZAWNNA HUMHALH TUR A ,MIPUI LEH THUNEITUTE HNENA NGENNA LEH SAWMNA.

Mizoramah dan zawm lo va sumdawnna kalpui a tam ta hle mai a. A bikin Aizawlah a tam emaw tih tur a ni ta.  Insakna bungrua, thawmhnaw leh ei leh bar thlengin Home Delivery hmanga zuar chhuaktu an tam zel mai a. Heng sumdawnna hian kan khawtlang Dawr neitute leh  rim taka  eizawnna  atan a lo hmang tu Zofate eizawnna a nghawng thei a, kan ram leh kan hnam tana ngaihtuahna thuk tak neih a ngai ta hle.

MIMA Action Committee chuan he thil hi angai pawimawh tak zet a. Kan ram chhunga Sumdawnna kalpui zawng zawng chu dan leh hrai zawm a, phalna leh Permit mamawh nei ngei ten kalpui a nih theih nan chak taka hma lak a ṭul tih kan hria a. Chuvangin, Dan zawm lo va sumdawnna kalpui nia rinhlelhna awmte enfiah a, dan anga hmalak a nih theih nan MIMA Action Committee hi din a ni ta a. 

 Mizo mipuite chu ILP Sponsor chungchangah te, Dawr leh Sumdawnna hmun luah tir chungchangah te, Mizo hming hmanga hnamdangten sumdawnna an kalpui chungchangah nasa zawka fimkhur turin kan inngen a ni.  A bikin  Non- Traibal  Sponsor emaw, mahni in sumdawnna hmun luah tir emaw, hming hawh a sumdawnna kalpui tir  kan lo awm a nih chuan a ranglam a lo in chingfel turin kan in ngen a. Kan ram kan hnam hi kan tu kan fate luah zel tur leh mizo hnam hi chimral a kan awm loh nan  mahni theihna zawn ṭheuhah ṭan la turin kan inngen mawlh mawlh a ni e.

Veng tinah Bungrua leh ei leh bar thlengin home delivery an pung zel a, chutiang anga rawn vak kual thinte pawh kan dawr hmain,  dan lo a sumdawng an nih leh nih loh finfiah hmasak a, kan rinhlelh zawngte phei chu thuneitute lama report thuai turin kan in ngen a.  Dan zawm lo va sumdawng nia rinhlelhna awm chu thu dik leh finfiah theihna nei Police, Aizawl Municipal Corporation (AMC) emaw, MIMA leh Department mawhphurtu dangte hnenah report turin kan in ngen e.

Tin, thuneitute pawh Trade licence, ILP leh Sumdawn phalna mamawh dangte neih leh neih loh enfiah turin kan ngen a. Dan zawm lohna a awm anih chuan dan ang in hma la tur kan ngen nghal bawk a ni .

MIMA Action Committee chuan kan ram leh kan Hnam eizawnna humhalh hi  mipuite mawhphurhna pawimawh tak a ni tih kan hriattir duh a. Kan Mizopui rim taka eizawng te eizawnna humhim pui leh  kan ram kan hnam chimral a kan awm loh nan he kan hmalakna min thlawp tlat turin kan sawm bawk che u  ani e. 

          Sd/-

(LALCHHANHIMA )

      Secretery

MIMA ACTION COMMITTEE.