TURNIPUI Dt. 21.01.2026 : Congress Party chuan Mizoram sawrkarin AMC inthlan kalpui
theih lohna tur khawpa harsatn a awmlo tih sawiin ZPM sawrkar chuan Dampa
by-election an chak loh avang leh LADC inthlana pathumna an nih avangin AMC
inthlan a hun taka neih an duhlo tih a sawi.
Vawiina thuthar thehdarhtute an kawmna ah Mizoram Pradesh
Congress Committee Spokesperson Dr Lallianchhunga chuan ZPM Sawrkar chuan
tunhnai tualchhung inthlanah an chakloh avangin AMC inthlan a hun taka buatsaih
an tumlo sa hrim hrim tih sawiin AMC term a ral hnu vekah buatsaih an tum chauh
chu hriatthiam harsa an tih thu an sawi a. AMC inthlan buatsaih tura harsatna
lian tham awm an hrelo tih sawiin term dinglai thiat a, AMC enkawltu tur
Administrator ruat ngai hiala inthlanna tih khawtlai chu Democracy kalphung
palzutna ah an ngai tih sawiin; ZPM chuan tunhnai inthlan an chakloh avangin AMC
inthlan chu an duh hrihlo nia an ngaih thu a sawi.
Dr Lallianchhunga chuan AMC inthlan buatsaihna tur leh AMC
sorkar thar din a nih theihna atana tih tur ṭul ang ang chu SEC hian a peih vek
tawh a ti a, AMC term kal mek chu kumin March ni 1 ah a tawp dawn avangin State
Election Commission chuan hmeichhe ward tur chu nikum 2025 May ni 30 ah a tifel
tawh tih sawiin; AMC Final Electoral Roll pawh kumin Januanri ni 7 khan tar chhuah a ni
tawh a ti a. Inthlan tih khawtlaina chhan an sawi chu state sawrkar chinfel
theih vek ani tih sawiin, AMC inthlan a hun taka an buatsaih duhlo chu mipui
zahlohna ani tih sawiin a rang lama inthlan buatsaih vat turin an phut tih a
sawi.
