TURNIPUI Dt. 26.01.2026 : Naktuk Dt. 27.01.2026 Thawhlehni
hian India ram puma Bank zawng zawnga hnathawktute chu an nuar vek dawn a, Mizorama
Bank awm zawng zawngte pawhin he nawrh hi an zawm dawn avangin Bank te chu khar
vek an ni ang.
United Forum of Banks Union huaihawt Bank nawrh hi hun
engemaw chen atang khan neih zauh zauh a lo ni tawh a, kar khat chhunga ni 5
chhung chauh hnathawh leh thla khat chhunga Inrinni zawng zawng chawlh chu an
thilphut lian ber a ni. Tunah hian thla khatah Inrinni vawi 2-na leh vawi 4-na
chauh an chawl a, Sawrkar hnathawk dangte anga Inrinni apianga chawlh ve an phut
a ni. Bank chawlh (strike) hi ni khat aia rei an nei ngai meuh lova,
amaherawhchu sawrkar chawlh awmsa nena ni inzawnah nawrh hi an huaihawt
tlangpui a ni.
