TURNIPUI: Mizoram Presbyterian Kohhran hnuaia Pastor bial hrang hrangah Kristan Ṭhalai Pawl, Pastor Bial Conference chu Zirtawpni zan atang khan an hmang a, zaninah a tiak ang. Tun dinhmunah KTP member hi 1,77,548 an awm mek.
Zirtawpni zan khan palai lawm leh report inkhawm neih a ni a, nimin Inrinni nilengin Rorel leh hruaitu thar thlan a ni a, nizan atang khan Pathian biak inkhawmin hun an hmang a, zanin hian a tiak ang.
Bial Conference hman dan tur hi Bial committee-in ngaihtuahin a remchan dan anga hman thin a nih avangin bial hrang hranga conference hman dan pawh a inang vek lo a, Bial thenkhatah thupui thlan bik neiin speaker ten an sawi thin a, bial thenkhatah chuan thupui thlan bik pawh nei lovin bial hruaituten an in sawi chhawk chang pawh a awm thin a,a remchan dan anga hman thin a ni.
Central KTP hruaitute chuan bial hrang hrangah inkhawmpui hi an hmanpui a ni. Report hnuhnung bera a lan danin tun dinhmunah Bial 223 awmin Branch 907 a awm mek a, KTP member 1,77,548 (mipa 1,07535 leh hmeichhia 70,013) an awm mek a ni.
