Champhai, dated 18th February 2026: Vawiin chawhma dar 11 khan Champhai DC Conference Hall, Keifangtlang-ah District Level Committee on Post Completion Management & Maintenance of Reservoir-cum-Recreation Centre, Keilungliah chu Champhai Bawrhsap leh Chairman ni bawk Pu Mohammad Aaquib hovin Nghakuai chiah Kut hman dan tur relin an thukhawm a, Pi Lalremsangpuii Pachuau DFDO chuan department-in Nghakuai chiah Kut hman dan tur chungchanga an ruahmannate a tarlang a ni.
Meeting-ah hian Keilungliaha Nghakuai chiah Kut buatsaih chungchang sawiho niin March ni 26-27, 2026 chhunga neih tur a ni a, registration fee mi pakhat tan ni khatah ₹500 a ni a, Mizoram Angling Association in sangha manna tur hmanrua a hmunah an zuar dawn a ni. Hei hian eco-tourism tihhmasawn te, tui chhung nungchate chu danin a phal loh tur hmanga hrai emaw hmanraw dang hmanga man lo tura tih dan phung dik zawka man tura mipuite hnena zirtirna pek chu a tum a nih thu tarlan a ni.
Meeting-ah hian he hun hi mumal taka kalpui a nih theih nan inbuatsaihna tul hrang hrang department leh tlawmngai pawl kaihhnawih, venhimna kalpui dan tur leh nghakhuaia sangha man tui mi a tam thei ang ber an tel theihna dan turte sawiho a ni bawk.
