COMMITTEE ON PETITIONS 2025 – IN SAWIFIAH

Mizoram Legislative Assembly Mizoram Legislative Assembly hnuaia “Committee on Petitions”-in December 22, 2025 (Monday)-a Higher & Technical Education (H&TE) Department-in PM-USHA hnuaia Tender a chhuah chungchanga Petition awm avanga a thurel (Report/Recommendation) Assembly Speaker hnena Er. Rohmingliana’n a thehluh chungchangah thil hriat chian tawk loh leh ngaih sual theih thil awm nia a Ian avangin “Committee on Petitions” Chairman ka nihna ang in thil awm dan tarlan a tulin ka hria a, hetiang hi “Committee on Petitions” in PM-USHA Tender chungchanga hma a lak dan a ni:-

1. December 22, 2025 (Monday) khan programme dang ka neih avangin Mizoram Legislative Assembly Rules of Procedure and Conduct of Business, Chapter XXVIII - 228 in a phal angin Committee aiawhin “Committee on Petitions” member zing a mi Er. Rohmingliana chu Aizawl hmuna awm a nih angin Speaker hnen a Report (Recommendation) thehlut turin a ruat a, hemi a ruatna hi member hnenah hian hriattir a ni.
2. Committee on Petitions-in PM-USHA chungchanga a thurel (Recommendation) hi Tender chungchang, thil hmanhmawhthlak leh hunbi nei a nih avangin Mizoram Legislative Assembly Rules of Procedure and Conduct of Business Chapter XXVIII - 229-in a tarlan angin hun tiam neia hnathawh tur thil ah chuan Session awm loh lai pawhin Speaker hnenah hetiang ang thurel (Recommendations) te hi Speaker hnen a thehluh theih a ni.
   
   
3. Committee on Petition-in PM-USHA chungchanga a thurel (Recommendation) hi Mizoram Legislative Assembly Rules of Procedure and Conduct of Business Chapter XXVIII 227 in a tarlan angin thuruk (confidential) a vawn tur ani a, member hi Speaker hnena recommendation a thehluh bak chu Committee on Petitions hian thildang emaw kawng dang a tihzui tur a pe Io.
4. 
   
5. DD News in Social Media a caption a siamah “PM-USHA HNUAIA SUM KAL FELLO CHHUI TURA COMMITTEE DIN-IN SPEAKER HNENAH REPORT AN THEHLUT; TENDER CHHUAH NAWN AN RAWT” tih hi Committee on Petitions chuan sum kal fello a chhui Io a, tin, PM-USHA chungchang chhui turin Committee hran a din Io a, Special Report a thehlut Io bawk. Tendering process chungchang a ni a, sum chungchang ani Io. Tender process chungchanga hrilhfiah dan (Interpretation) inan loh avanga thil fello awm nia lang a chhui a, tender nawn (re-tender) turin recommendation a Siam mai a ni. Tin, tuna PM-USHA chungchang bakah hian thu (issue) dang pahnih bawhzui lai a nei mek bawk a ni. Committee on Petitions te hian an hnena Petition lut, enchian zui ngai tul ni-a a hriatte chu a ngaihtuah thin a. Hetiang a sum kal fello chhui tur-a a hranpa leh a bik taka Committee din ni anga sawi hi thudik Io a ni.
6. Committee on Petitions chuan Mizoram Legislative Assembly Rules of Procedure and Conduct of Business Chapter XXVIII 228 in a phal angin member zing a mi hian Speaker hnen a Report/Recommendation a pek bak Press hma a puan chhuah emaw tu hnenah pawh Committee a thurel puanchhuah chungchang hi a rel Io a, a hriatpui Io. Hetianga thiltih a awm anih chuan “Rules of Procedure and Conduct of Business in Mizoram Legislative Assembly” dan kalh a ni ang.