Turnipui Dt.17.02.2026 : Vawiin chhun 12:30 khan Congress Thalai - Mizoram Pradesh Youth Congress Committee chuan tunhnaia Mizoram sawrkarin Electric bill a tihsan dodalna lan tir nan Vanapa Hall kawtah punkhawm an huaihawt a, electric Bill sang copy an hal.
MPYCC chuan, ZPM party-in kum 2023 MLA inthlan dawn khan ZPM a sawrkar chuan Electric Bill kan tisang ve dawn lo tiin mipuiah an inzuar a. Power Minister-in a pisa a luah niah pawh kum 5 chhunga electric bill an tihsan loh tur thu a sawi tiin, kawlphetha (power) lamah an ka ang ve tawh lo tura an duh thu an sawi a. An intiamna bawhchhiain an nawmchenna atan nasa takin electric bill an tisang hi mipui zah lohna leh palzutna dik takah MPYCC chuan kan ngai a. An hmalaknain awmzia a neih loh chuan umzui zel an tum tur thu an sawi bawk.
