TURNIPUI Dt. 21.01.2026 : National Health Authority chuan January ni 19-20, 2026 chung khan India ram pum huap 'Chintan Shivir' chu Odisha state khawpui Bhubaneshwar-ah a buatsaih a, he hunah hian Mizoram State Health Care Society, State Health Agency Mizoram ni bawk chuan AB-PMJAY scheme hnuaia Beneficiary Enrollment (Golden Card siam) ah "Best State" a dawng a, Mizoram rual hian State dang 3-in an dawng bawk a ni.
He lawmman hian Mizoram chhunga Golden Card nei thei chhungkaw 2,16,584 te zingah, chhung tin aṭangin member 1 talin Golden Card an siam tawh tih a entir a, tun dinhmunah Mizoram chhungah Golden Card nei mi 5,93,595 an awm mek a ni.
