Mizoram Governor chuan khan Lai Autonomous District Council (LADC) Chief Executive Member thar atan Pu C. Lalsawmzuala, 12 Lawngtlai Chandmary MDC leh Leader, United Legislature Party chu a ruat a, LADC Chairman thlan hun atan Dt.28.01.2026 (10:30 AM) a ruat bawk.
CEM ruatna leh Chairman thlan hun ruatna order hi vawiin Dt.25.01.2026 hian a tichhuak a, LADC Chairman chuh turte tan nomination file hun atan Dt.27.01.2026 chu ruatin Dt.28.01.2026 ah Chairman hi thlan a ni ang a. Dt.29.01.2026 ah sawrkar rintawkna hun neih tur a ni bawk ang. Hetih lai hian Protem Chairman atana C. Hrangthianga ruatna pawh tichhuah nghal a ni bawk.
Central Young Lai Association chuan Governor-in LADC sawrkar a pian theihna tura order a chhuah tak avang hian naktuk Dt.26.01.2026-a Lawngtlai District chhunga total bandh neih an tum chu an thulh ve nghal niin thu dawn a ni.
