Dated Aizawl, the 19th February 2026: Vawiin khan MFM Skill Training Centre, Dawrpui Vengtharah Hulhliap Short Stay Centre chhuakte tana a thlawna Skill Training buatsaih thin, batch li-na chu tan a ni. Tun tumah hian Hulhliap SSC chhuak mi 23-in aluminium fabrication an zir dawn a ni.
Pi Vanlalhruaii, Member Secretary, Task Group on Aftercare, Skill Training & Handholding, Hulhliap SSC-in inkhawm a kaihruai a. Pu Lalramchhuanzela, Executive Director, MFM & Member, Task Group on Aftercare, Skill Training & Handholding, Hulhliap-in hunserh hmangin, Pathianin mi ropui tak leh midangte tana luangchhuak thei turin min duang vek a, chu chu va tawng baw tur chuan kan thil tih kawng tinrengah taima taka thawk a, thahnemngaihna leh rinawmna kan nunpui tlat chuan kan hnathawh kawng tinrengah malsawmna kan dawng ngei dawn a ni tiin kalkhawmte a fuih a ni.
Er. Lalhmingliani Hmar, President, Young Women’s Christian Association & Member, Task Group Aftercare, Skill Training & Handholding, Hulhliap SSC chuan mihring rilru put hmanga zir zelin mihring kan awm thin avangin kan rilru kan thunun a pawimawhzia sawiin, hlawhchham leh tluk sualnate pawh kan lo nei tawh thei a, amaherawhchu kan theihna leh chaknate hnualsuat mai lovin, nitin, "Ka ti thei a ni," tia mahni inhneh tura pen chhuak zel tura fuih chungin Batch 4-na, Aluminium Fabrication training program chu a hawng a ni.
Inkhawm kaihruaitu Pi Vanlalhruaii chuan nitin kan hun hman dan turte uluk taka inruahman theuh thin a pawimawhzia a sawi a. Inkhawm hi lal tawngtaina sawi rualin khar a ni.
Batch thum training zawh tawh niin, trade hrang hrang - Assistant Electrician, Aluminium Fabrication leh Food Processing te kalpui niin, mi 92-in training an zo tawh a ni.
