Khawzawl dated 26th February 2026: Vawiin chawhnu dar 1 khan Khawzawl DC Chamber-ah District Sports Committee an thukhawm a, he hun hi Khawzawl Bawrhsap Pu K. Vanlalthiana'n a kaihruai a ni.
He meeting-ah hian sports discipline hrang hrang te annual plan theh luh te chu en ho a ni a. Taekwondo chuanin All Mizoram Open Taekwondo Championship chu March 25-26-ah an thleng dawn a, hemi atan hian committee chuan ₹20,000 tanpui nan pek an remti a. Khawzawl Vengthar Football club MFA Cup khelh mek chu tanpui nan ₹10,000 pek ni se tih bawk a ni.
Khawzawl Bawrhsap Pu K. Vanlalthiana chuanin member kal khawm te hnenah chuan sports pawimawhna sawiin ruihhlo dona kawngah a tangkai thu a sawi a, thalai te ruihhlo lama an kal loh nan kawng dik a hruaitu a nih zia te a sawi a, theih tawp chhuah turin a sawm a ni.
