Khawzawl dated 26th February 2026: Vawiin chawhnu dar 2 khan Khawzawl DC Chamber-ah District Task Force on Immunization chu thukhawmin Khawzawl Bawrhsap Pu K Vanlalthiana'n a kaihruai a ni.
He meeting-ah hian HPV vaccine chungchang chu Mizo hmeichhe naupangte leh an nu leh paten a tangkaina leh pawimawhna te an hriat a tul tih an sawi a. Human Papillonmavirus (HPV) chu hmeichhe serh cancer natna niin he natna hi mi tam takin an vei a, hemi natna vei te tih tlem nana hmalakna kal zelah chuan he vaccine hi hmeichhe naupang zawng zawng ten lak a that thu te an sawi a, HPV vaccine hi Khawzawl District-ah zau thei ang bera theh darh ni se tih a ni.
Tun 28th February 2026 ah hian he HPV vaccine hi launch tur niin Khawzawl district Hospital-ah chawhnu dar 1 atangin vaccine hi a lak theih a ni dawn a, hmeichhe naupang kum 9-14 inkar te tan a lak tur a ni.
