Kolasib District Additional DC Pi B. Malsawmtluangi, MCS, Competent Authority for Land Acquisition (CALA) ni bawk chuan nimin Dt 12. 01.2026 khan thuchhuah siamin, 4-Laning of National Highway 306 & 06 hnuaia Package 6 Bualpui-Kawnpui (missed out 3G) chu Acquiring Agency (NHIDCL) hnen atangin pawisa an dawng tih a sawi a. Vawiin Dt. 13.1.2026 (thawhlehni) atanga ni 15.1.2026 (Ningani) chhung hian helai hmuna ram neitu (award list) tarchhuaha telte chuan mahni Original Land Pass, Bank Pass Book Xerox Copy, Aadhar card xerox copy leh PAN Card xerox copy te kengin DC office, 4-Lane Branch, Kolasib-ah office hun chhungin thehluh tur a ni, a ti.
Ram neitute hian Revenue Department atanga Tax clearance leh documents pawimawh dangte thehlutin, APR sign nghal tur a nih thu a sawi bawk.
