Dated Delhi, the 27th February, 2026: Vawiin khan Member of Parliament (Lok Sabha) Pu Richard Vanlalhmangaiha chuan North Eastern Electric Power Corporation (NEEPCO) Ltd. leh National Thermal Power Corporation (NTPC) Ltd. Chairman ni lai Gurdeep Singh chu a office-ah lengin a kawm.
Lok Sabha MP hnenah hian NEEPCO leh NTPC Chairman chuan Mizoram Sawrkarin a hun taka Power bill an pek tawh thin avangin lawmthu a lo sawi a, MP pawhin Sawrkarin a hun taka bill an pek avanga rebate vaibelchhe 7 chuang an dawn avangin lawmthu a sawi let bawk a. Tuirial Hydro Power Station tharchhuah hlep atanga CSR an hman thin chu Mizoramah ngei hman ni thei se tih sawiin, Mizoram chu state hnufual a nih avangin an CSR dangte pawh Mizoramah hmang thin turin a ngen bawk. Chairman chuan chutianga hma a lo lak tur thuin a lo chhang a ni.
