Dated : Mamit the 18th of February, 2026 : Vawiin khan LAD Conference Hall, Mamit-ah Mamit khawpui chhunga Sawrkar office hnathawk te tan hna thil atana tul hrang hrangah training nikhat awh SIRD& PR chuan a buatsaih a, Pi Carolyn L. B Khiangte, Addl DC chuan training hi a hawng.
Pi Carolyn L.B Khiangte chuan SIRD &PR te'n kan hmun ngeia kalchilha, office a thawk te'n a kan mamawh em em zirtirna an rawn nei thei hi kan vannei hle a, keini pawhin kan lo hlutin office hrang hranga hnathawkte kim taka kan kal hi a lawmawm thusawiin mithiamte zirtirna atanga thiam belh leh hriat belh nei ngei tur leh thahnemngai taka training nei turin kalkhawmte a chah a ni.
He hunah hian office hna atana tul hrang hrang Dr. C Lalthlansanga, Core Faculty, SIRD&PR chuan a lem nen zirtirna a pe a. Pu K. Lalmuanzova, AF, SIRD & PR chuan CCS conduct rules chungchangah zirtirna a pe bawk.
Training-ah hian Mamit khawpui chhunga department hrang hrang atanga officer leh dealing staff-te an tel a ni.
