Dated: Mamit the 26th of February, 2026: Vawiin khan DC Conference Hall,Mamit-ah Pi Swapnalee Bhattacharya,ISS, Dy. Director General, Niti Aayog leh Pu Ngayaipam A. Shimray, Young Professional,Niti Aayog chuan Mamit-a Sampoornata Abhiyan 2.0 hmalakna kal zel thlir hona an nei a, Pi Carolyn LB Khiangte, Addl DC chuan hun a kaihruai.
Pi Carolyn chuan Sampoornata Abhiyan 1.0 a hmalak tawhna te thlir hona hun a hmang a, Mamit district dinhmun leh hmalak tulna lai te a sawi bawk.Pi C.Lalchhandami, SDC chuan Sampoornata Abhiyan 2.0 ni 28th January,2026- 14th April,2026 chhunga kalpui tur chu thlirhona hun a kaihruai a, hmalak tawhna leh hmalak tum dan te sawi ho a ni. Zawhna leh chhanna hun hman niin line department te chuan an harsatna leh mamawh te Niti Aayog hotute hnenah an thlen.
Sampoornata Abhiyan 2.0 hi 28th January,2026 atanga 14th April,2026 chhung kalpui tur niin India rama Aspirational district leh Aspirational block-ah te hman a ni a, Mamit District leh Reiek Block-ah kalpui a ni. Tehfung paruk -
1. Health & Nutrition (hnuaiah 3)
2. Agriculture (hnuaiah 1)
3. Education (hnuaiah 2)
hnuaiah kalpui niin hemi program chhung hian line department te’n an ruahman an kalpui kim thei em tih endik a ni.
Pi Swapnalee chuan Mamit district hmalakna chu fakawm tiin a aia nasaa tan la turin a chah a, department dangte nena thawkho tha turin a ngen bawk.
Niti Aayog hotute hian Primary school V, District Veterinary Hospital, Anganwadi centre te an tlawh a, hotute nen inkawmna hun hmangin an harsatna te an sawi ho a ni.
