MARINA-I CHHUNGTE THUCHHUAH
Ngaihdam dilna leh lawmthu sawina
Tanhril khawtlanga cheng kohhran hrang hrang leh local Council, Y.M.A, MHIP, MUP leh mipui a te ber atanga a lian ber thlengin kan chhungkua fel lohna te leh kan tlin lohna te min hrechiangtute in ni a. In hnenah hian lawmthu sawi tur tam tak kan neih rualin, kan fel loh avanga thupha chawina tur pawh tam tak kan nei ang a, sawisen pawh a ni lo ang.
Ka tunu Marina Lalchhanchhuahi tualthih chungchanga min tawiawmna zawng zawng leh tha leh tui piah lama rilru ngaihtuahna leh tha leh tui leh hun hlu tak kan tana sentu zawng zawngte in chungah kan va lawm tehlul em.
Ka tunu Marina Lalchhanchhuahi tualtihna chungchangah hian kan chhungkua hian kan tih loh tur kan tih te, kan tih tur kan tih loh te leh kan sawi loh tur sawi palh leh sawi tur sawi lohte pawh a awm ang a, mi rilru tihnatte pawh kan nei palhin kan ring. Chung zawng zawng a tan chuan khawtlang mipuite hnenah thupha kan chawiin inngaihdamna dil chungin lawmthu kan sawi bawk a ni e.
A tawp berah chuan kohhran hrang hrangte leh a thei apiangte min tawngtai sak turin kan ngen bawk a che u.
In hmangaihna leh inkhawngaihna dawng tu.
John Sanghnuna te chhungkua leh a tu leh fate,
Tanhril Vengpui
