TURNIPUI 4th February, 2026 : Vawiin khan School Education Department-in thla tina a chhuah thin Meichher Award 2025 chu School Education Directorate Conference Hall-ah sem a ni.
Meichher Best Article of the year 2025-ah pakhatna Rev Zosangliana Colney Mission Veng Aizawl a ni a, a thu ziah chu Lal thar chibai i buk ang u tih a ni a, pahnihna Pu Joseph L.Ralte Chawnpui Veng a ni a, a thuziah chu Hlawhtling tura beidawnna tih a ni. 3-na Commissioner Lalkiamlova Tuikual South Aizawl a ni a, a thuziah chu Vawk leh Mizote tih a ni.
Meichher Best Contributor of the year-ah pakhatna Pu JH Biakmawia Electric Veng, Aizawl, pahnihna Pu Familia Laltansanga Fanai Zotlang Lunglei, pathumna Pu Mahmuaka Chhakchhuak Chanmari Lunglei te an ni.
