Dt. 16.01.2026 : MNF Office Bearers nimina Mizo Hnam Run Aizawl-a thukhawm chuan MNF President Pu Zoramthanga an rintawk thu resolution an pass a, inpumkhatna leh thawhhona tha tak nen ke pen zel an tum a; Mizoram sawrkar tha tak siam leh turin theihtawp an chhuah zel dawn tih an sawi
Opposition party an ni chungin MNF chuan hniam lam aiin san lam panin, nasa takin hma an sawn zel a ni, tiin; Sinlung Hills Council Election leh Dampa bial By Election-ah Ruling party hnehin chakna an chan thu an sawi a. LADC Election neih zawh takah MNF MDC an tling tam ber a, Village Council By election hmun hran hranah hnehna an chang deuh vek tih sawiin; an chakna chu Pathian leh mipuite tanpuina leh duhsakna vang a ni an ti a, AMC inthlannaah leh inthlan dang zelah pawh hnehna chan zel an inringin an beisei a ni.
