Mizoram Sorkar chuan Mizoram Universal Health Care Scheme (MUHCS) hmangtu dam lote enkawlna senso atan cheng vaibelchhe 115.29 a pe tawh.
Sorkar hian MUHCS kalpuitu damdawi-in te hnenah January ni 16, khan Mizoram Universal Health Care Scheme Bill cheng Vbv 2.77 a pe chhuak leh a, MUHCS kalpui a nih tan April ni 1, 2025 atanga tun thla January ni 16, thleng khan Mizoram Health Care Society chuan MUHCS kalpuitu damdawi-in te hnenah damlo enkawlna senso Cheng Vbc 115.29 a pe tawh a, heng hi MUHCS kalpui damdawi-in hrang hranga damlo 68,022 enkawlna bill a ni.
Mizoram chhungah MUHCS Empanelled Private Hospital 15 awm tawhin, Aizawl-a hospital 7, Champhai-ah 2, Lawngtlai-ah 2, Lunglei-ah 3 leh Siaha-ah 1 a awm a. MUHCS Empanelled Private Day Care Centre 3 a awm mek bawk a ni. Mizoram chhunga sorkar damdawi-in zawng zawngah MUHCS hi hman a ni a, Mizoram pawnah empanelled hospital 27 leh Deemed empanelled hospital 12 a awm mek bawk a ni.
MUHCS hnuaiah hian kum 2025-26 atan sorkar hnathawk 36,324; Civil Pensioner 8,733; AB PM-JAY chhungkaw 2,20,463 leh a hranpaa pawisa chawia inziak lut (contributory) chhungkaw 20,213 an awm a, CSS leh grant-in aid hnuaia thawk inziak lut zat erawh hriat theih a ni lo a ni. AIR
