Vawiin February ni 19, 2026 (Ningani) chawhnu dar 2:00 khan, MZP Pisa-ah - Mizo Zirlai Pawl Students' Aid Fund chungchang ngaihtuahtu SAFMC chu a vawi 1 nan an thukhawm a, meeting hi Dr. C. Lalremruata, President MZP & Chairperson SAFMC in a kaihruai.
Meeting ah hian, SAF December ni 10, 2025 a Chief Minister Pu Lalduhoma'n a tlangzarh hnu a dilna rawn lut leh Fund Raising neih dan tur ngaihtuah hoin an thukhawm a, dilna rawn lutte chu meeting chuan puih dan tur leh sum pek tur zat a ruahman nghal bawk a ni.
Students' Aid Fund hi zirlai harsa chhawmdawl ngai a mamawh apiang tan dil theih niin, a thlawn tawpa pekchhuah ( grant) leh a pung awmlo a puk (interest- free loan) turin ruahman a ni. Dilna hi MZP Pisapui, Treasury Square-ah Office hour chhungin dilna a thehluh theih reng a ni.
