Mizo ziaktu lar leh Padma Shri Pu J. Malsawma, ‘Thanpuii pa’
tia hriat lar chuan January ni 18, 2026 khan kum 100 a tling a, chhungkhat laina,
a tu leh fate leh a thenrual thate nen an lawm.
Pu J Malsawma hi Jan.
18, 1926-ah piangin, thiamna lamah MA., LL.B a ni a. Thu leh hlaa tuimi tak a
nih bakah hian zirna kawngah pawh sulhnu engemawzat a lo nei tawh bawk a. Kum
1958 – 1962 chhung khan Pachhunga College, Aizawlah Lecturer lo ni tawhin,
hetih chhung bawk hian Assam High Court-ah Advocate a ni bawk a. Kum 2013 khan
Padma Shri chawimawina pawh a lo dawng tawh a, tunah hian Zarkawt, Aizawl-ah an
cheng mek a ni.
Kum 1956 – 1962 chhung khan Mizo Zirlai Pawl (MZP)-ah a
khaipa niin, President hial a chelh chho a. Kum 1964 - 1965 chhung khan CYMA
President a ni tawh bawk.
Heng bakah hian Sorkarah leh khawtlang lamah pawh mawhphurhna leh chanvo hrang hrang a chelh tawh a, khawtlanga inhmang mi tak a ni. Tin, thu leh hla lamah pawh sulhnu tha tak tak a nei a, Article hi 300 chuang ziak tawhin Lehkhabu pali a ziak tawh a, chung a lehkhabu ziahte chu: Kum 1979-ah ZO NUN, kum 1993-ah Gospel Chanchin Tha Hmar Thimpuiah, kum 1995-ah Vanglai tih leh Zo-Zia tih lehkhabu kum 2000-a a ziahte hi a ni.
