Dated Serchhip, the 26th February, 2026: Serchhip District Road Safety Committee Chu vawiin khan an Chairman Pu Paul L Khuma hovin Serchhip DC Meeting Hall ah an thukhawm.
Road Safety Month chu March thla chhung hian Serchhip District ah hman a ni dawn a. Hemi hun chhung hian Lirthei document fel leh fello uluk leh zuala endikin, police leh DTO office in special drive an nei thin dawn a ni. Road safety awareness uar lehzuala kalpui tum niin school leh college ah te, gram sabha ah te inzirtirna neih a ni anga. Sawrkar office leh zirna in zawng zawngah thutiam chham rual a ni ang.
Lirthei khalhtuten dan an zawmloh chungchang sawi lan a ni a. A bik takin helmet khum loa 2 wheeler khalh te, midang tana bengchheng siama proton vuah chungchangte sawilan a ni a. DC chuan lirthei khalhtu dan bawhchhiate chu thuneitute hnenah Vantlang Viltu app kaltlangin emaw, hriattir zel turin mipuite a ngen a ni.
Serchhip District Road Safety Committee ah sian sawrkar official te bakah tlawmngai pawl YMA, MUP leh MHIP te an tel a. PWD Senior EE chu Member Secretary a ni.
