Dated Serchhip, the 19th February, 2026: Special Assistance to States for Capital Investment (SASCI) Scheme hnuaia Serchhip khawpui chhunga hnathawh mek te chungchang sawihoin vawiin khan Serchhip DC Meeting Hall ah DC Pu Paul L Khuma hoin District thuneitute an thukhawm.
SASCI Scheme hnuaiah hian Serchhip khawpui chhungah Circuit House, sawrkar quarters te leh District Jail-a quarters sak hna te thawh mek a ni a. Vawiina DC hoa thlirhona neihah hian PWD SDO (Building) Pu Lalrindika chuan powerpoint hmangin report kim chang takin a pe a. Tun dinhmunah hmalakna hrang hrang te hi tha tawka ngaih a nih thu leh contractor ten beisei aia chaka hna an thawh thu a report a ni.
Contractors te hian an hmalak meknaa harsatna an tawh thenkhat te pawh sawi langin a chinfel dan tur vawiin meeting ah hian an ngaihtuah ho a ni.
Hei bakah hian NEC sum hmanga Kawlria Heritage Society Building sak hmek dinhmun pawh ngaihthlak a ni a. He building hi DC Pu Paul L Khuma bakah DoNER Secretary te pawhin a hmunah an lo endik tawh a. Hna tha taka thawh mek zel niin meeting-ah hian tarlan a ni.
Vawiin SASCI Scheme chungchang meeting ah hian contractor te, District thuneitute leh a viltu PWD hotute an tel a ni.
