Dated Serchhip, the 26th February, 2026: Vawiin khan Serchhip DC Pu Paul L Khuma hoin Serchhip DC Meeting Hall-ah Serchhipa Chapchar Kut 2026 hman dan tur District thuneituten an rel.
Kumin March ni 13 (Zirtawpni) hian Mizorama District khawpui zawng zawngah Chapchar Kut hi lawm a ni dawn a. Serchhipah chuan Leisekawt Field ah chawhma dar 11 ah tanin chawhma lamah hian cultural programme, chawhnu lam concert anga hman ni se tiin rel a ni. Kutpa atan Rural Development &Administration Department changtu Minister Professor Lalnilawma chu beisei niin, Kut Thlengtu chu Serchhip DC Pu Paul L Khuma a ni ang.
Chapchar Kut hman dan tur chipchiar duang turin Additional DC Pu Lalrinzuala kaihhruaina hnuaiah Working Committee din a ni a. He Committee ah hian sawrkar hnathawkte bakah pawl hrang hrang te an tel dawn a ni. Chapchar Kut Miss thlan leh ni se tiin meeting hian a rel a. A thlangtu tur panel a hranpain vawiin meeting hian a din fel nghal bawk a ni.
Power Supply, Tui in tur, Medical leh Sanitation te chu a changtu sawrkar Department te kutah dah a ni a. Security chu District Police te kutah dahin a puibawmtu tur atan P&E Veng YMA te ruat nise an ti bawk a ni.
