TURNIPUI Dt. 02.02.2026 : Central Young Mizo Association President R. Lalngheta chuan, beng sika thapui thawha ruihhlo do a țul tawh takzet a, YMA member ten tihtakzetin ruihhlo do kawngah țan I la thar ang u, a ti.
He thu hi kar kalta-a neih Tlangnuam Branch YMA Ruihhlo Do kumpuan hawnna-ah sawiin, Branch tina kumpuan pawh do hneh ngei a nih theih na’n kut a fai tur a ni a, Pathian malsawm tlaka fimkhur taka thawh a tul takzet a; kohhran tinin ruihhlo a rem theih nan bang lova tawngtai theuh turin a ngen a ni. Mahni khawtlanga ruihhlo la ti lo te chu fuih sauh sauh a, a ti tawh te’n nghei an harsatzia an chiang a, a ti lo te hi an rilru hneh turin tan lak a tul tak meuh meuh tih a sawi bawk.
CYMA President chuan tunhmain Proxyvon a hluar a, hruaitu hmasate’n theihtawp chhuahin an do a, hnehin a awm tawh a. Hun a lo kal zel a, heroin chu mi hausa faten an ching a, a lar zual leh a. Tunah chuan rampumah a lo darh ta a, nu leh pa tirųmtu, chhungkua tichhe tu, mirethei fate thlengin an 'addict' ta zel chu a rapthlak lutuk a, beng sika thapui thawha hma lak a țul tawh takzet tiin YMA member kalkhawm te chu tihtakzeta ruihhlo do kawnga țan la thar leh turin a fuih a ni.
