Hrangturzo bialtu MLA Pu Lalmuanpuia Punte, Adviser to CM (Political) chuan ni thum chhung thli leh ruahsur avanga Bungtlang khuaa chenna In chhia te tukin khan a tlawh.
Bungtlang khuaah hian thli leh ruah avanga In chhe vek pakhat leh thawm that ngai In engemaw zat a awm a. Bialtu MLA Pu Muanpuia chuan heng khuarel chhiatna thleng avanga harsatna tawk te hi sawrkar atanga tanpuina awm thei te ngaihtuah puiin, a rang thei ang bera chhawmdawlna an hmuh theih nan hma a lakpui nghal.
Adviser to CM hi ZPM party Gen. Hqrs.hruaitu thenkhat leh Hrangturzo ZPM block hruaituten an tawiawm.
