Saitual, 19th February, 2026 : Vawiin khan DRDO Video Conference Room Saitualah Central Sawrkarin Ni 100 inhlawhna MGNREGS thlakna tur Ni 125 inhlawhna (Viksit Bharat G RAM G) chungchangah Pu V. Laldinsanga PD DRDO Saitual District chuan Saituala Press mite a kawm.
Project Director chuan MGNREGS thlakna, changkang zawka thingtlang mite inhlawhna siam a, India ram chu kum 2047-ah ram changkang (Developed Country) a hlan kai a nih theih nan he ruahmanna hi a kawng pawimawh tak zinga mi a nih thu sawiin, ram mipuiten hmasawnna ngialnghet leh tlo an neih theih nan Sawrkar chuan theih tawp a chhuah mek thu a sawi a, he hmalakna puan zar kawngah chanchinbu mite chu thawh ho puiah a sawm bawk a ni.
Pu PC Lallawmkima Rural Account Officer chuan Power Point Presentation hmangin (Viksit Bharat G RAM G) chungchang leh MGNREGS nen a danglamnate a sawi fiah a, chanchinbu miten zawhna an neihte zawtin hun hlawk thlak tak an hmang zui a ni.
Vawiin inkawmhonaah hian Pu V. Laldinsanga, PD, DRDO Pu PC Lallawmkima, Account Officer, DRDO, Pu David Lalchhuanawma, AE, DRDO, Pi F Zodingpuii, DIPRO te bakah Saituala MJA Member te an tel a ni.
