TURNIPUI Dt. 09.02.2026 : MPCC Adviser Pu Zodintluanga, Ex Minister chuan ruling ZPM party-a beidawngte Congress-ah an lo lut leh dawn a, I lo welcome vek ang u, a ti.
He thu hi vawiin khan Hnahthial District Thiltlang khuaa Congress party worker te hmaah Pu Zodintluanga chuan a sawi a, Congress Party-in kum 2028-a sawrkar leh turin hma a la mek a; Congress party mi, Congress lo chhuahsan tawhtu, ruling lama kal mekte beidawng pawhin Congress Party an lo pan leh dawn a. Sawrkar leh tura min beiseitu leh min dahtu an pung zel a ni. Mizoram pum huapin Congress Party-in sengkhawm leh hruailuh hna a thawk mek a, Sawrkar turin tam a ngai a, tlem remrawma sawrkar a harsa a; kan party mi leh sate mahni awmna hmun theuhah kan Party-a rawn lut leh duhte lo welcome zel turin ka chah che u ni a ti.
Mizoram Pradesh Congress Committee chuan February 2026 thla chhung hian BJP Sawrkarin MGNREGA titawp a tum dodalna Street Campaign leh Pamphlet sem programme Mizoram District khawpui tinah a buatsaih dawn a, he hun hmang tur hian Pu Zodintluanga te team hian vawiin khan Hnahthial an pan a ni.
